O
sakacicilah nangra i, o nialaan nangra i ma’icangay a ‘ongco’ongcoyan to nano
kinatapsi’ no taplik. Ma’icang no cidal konini saka, o nini ko cilah nangra.
O
sakapitangtang nangra i, o podac no ti’aw hananay a kilang. Karkaren nangra ko
sra a mipateli toya fadic no ti’aw. Paroen ko nanom ta masekedef koya podac no
ti’aw. Ta todohen ko ‘adicaw a fokeloh a miparo i nanom, ta marokrok koya
nanom. Ta miparo to dateng ano ^ca o titi ato foting, ta matangtang. Ano
awaay to. Ko fa^det noya fokeloh i, alaen a pasadak. Pakotayen to fa'elohay a
fa'edatay a fokeloh. Ma^deng kina tolo a mihaen i, ma^ecakto.
O
romasato, itini i pisarakarakat nangra a mifoting, mi’adop i, matama nangra ko
makapahay a dihif. Itira cangra a pacarcar a maro’ a mipala loma’ toya dihif. Ano
matama to nangra ko matiraay a makapahay a dihif i, itira cangra a malinah a
maro’. Liyasen nangra koya talo’an nangra.
Yo
matama to nangra ko kakahaday a palapalaan i, itrato cangra a misakakahad to
omah a matayal.
Nanoya,
mikilim cangra to nga’ayay a pipatirengan to loma’ a sra. Ta patirengen nangra
ko tolo’an. Nikawrira, caayho pisatata’ang cangra a misanga’, o pasamoho konian.
Yo ‘alomanto
ko wawa nangra i, pararamoramoden nangra ko wawa nangra. Ta mangalay ko wawa
nangra a micidek a ciloma’. Saka, padangen nangra ko wawa a misanga’ to malo
loma’ nangra. Isa’ayaw i, itira saho cangra i fiyaw no mama ato ina a mipaloma.
Yo ciwawa koya wawa i, orirato ko tayraay i raayay a omah nangra a paloma. Ta
itira ko aro’ nangra. ‘Aloman, ‘aloman sato saka, misakilikilim cangra to
caayho ka tama nangra a palapalaan. Talatimol ko roma. Talaka’amis ko roma. Pakani
i rakat nangra a mi’adop ko sakapakatama cangra to kakahaday a palapalaan. Ta
paytemek sato cangra a mikilim to nga’ayay a kama-ro’an a patireng to loma’
itira.
Cimihcaan
cimihecaan i, masaniyaro’ koya kamaro’an nangra. Sa’aloman sato ko tamdaw. Onini
ko satapangan no kaciniyaro’ no Pangcah. O ngangan no kasaniyaro’ no Pangcah
itiyaho i, o nipanganganan no mi’adopay.
Tona
malalok ko Pangcah a matayal saka, maherek ko tayal tono omah i, mifoting i ‘alo
ato i riyar. Maherek a mifoting i, malingad to a mi’adop. Pasacowacowa to ko rakat
nangra a mi’adop. Saka, matama nangra ko makapahay a masadafdafay a pala i,
misatalo’an cangra itira a mi’id’id to tama’. Ta pacena’ cangra a misaomah i taliyuk
no talo’an nangra a mipaloma to kaolahan a kakaenen. Kalanipi’adop han nangra
ko pikilim to nga’ayay a kalipalaan. Adihayto ko tama’ nangra, ato matato-dong to
ko romi’ad to pinokayan i, minokay to cangra i loma’.
Malalitemoh
cangra ato widang. Saka, itira to cangra a malalicalicay. Onini ko saka
masasikafana’ to cangra ato masasiholol to cangra. O nini ko saka nga’ay to
nangra a pararamod to wawa nangra. Malo sapaomah to i wawa koya misaomahan nira
a mi’adop. Itira to ko wawa a ciloma’. Mata^lif ko pinapina a miheca i,
masaniyaro’ to koya kamaro’an no wawa.
Mahaen ko
sakalenak no Pangcah hananay. Saka itini i sakawali no Taiwan a masa niyaro’ ko aro' no Pangcah. O
romasato, ira haca ko tahiraay i saka^etip a mifoting ano^ca i, mi’adop ko
rakat nangra. Saka, ira ko niyaro’ no Pangcah itira saan.
O sapatoor
a sowal.
I 1800 a
mihecaan i, ira ko pakataminaay nani cecay no Kalolin a Yapo hananay a kanatal
a tayni i Taywan a tahacanger i wali. Ta paka ’araw cangra to ‘orip no Pangcah. “Aya:
ini: ko sakalecad niyam o Pangcah a tamdaw”. Saan cangra a lipahak. Ma^deng
pakapito a polo’ a romi’ad cangra itini. Saka, malalicalicay cangra ato itiniay
a Pangcah. Kona onini a tamdaw ko papasifana’ to i niyaro’ay nangra a tamdaw to
matiniay a demak. ‘Araw hani, ranikay a mapatay cangra yo itiniho cangra. Saka,
awaayto ko papatakos to kakafit nangra ato itiniay.
(Nai "o 'orip no 'Amis"a cudad- 'Afo Apak komitiliday)
Tipus Koyo 2014.05.29
沒有留言:
張貼留言