O Maan Ko Saka’orip Nangra?【1】(他們靠什麼生活呢?1)

O Maan Ko Saka’orip Nangra?【1】 (他們靠什麼生活呢?1)      Tona o foting ko saka’orip nangra iti:yaho saka, mifoting cangra to malo saka’orip nangra. O romasa to i, ma’araw nangra ko nika molengaw no panay ato  hafay ato faliyasan i pela’ no dodang. Saka cekiwen nangra a mipasadak a paloma konini. Ta pakayni tonini ko sapisakakahad no mipalomaan nangra. Saka  adihay sato ko kakaenen nangra. O roma a tayal nangra i, mi’adap cangra. O  pi’adop nangra i, caay ko cilalosidananay to ‘idoc ato pana’. Falasiwhan nangra to kilang ko ‘a’adopen a mipatay; ano ^ca^i, ko^koen a mitekel to fokeloh. Adihay ko ‘a’adopen itiyaho saka, mi’adop cangra to malo saka’orip nangra.     Yo misarakarakat cangra i palapalaan ^i, ma’araw nangra ko nikaenan no ‘a’adopen a semat. Saka, mafana’ cangra to nika o mahaenay a semot ko nikaenan nangra a saan. Saka, tanamen nangra a komaen. Ano manga’ay a kaenen ^i, o mamakaen no tamdaw konini saan. Ano caay ko kakaenen konini, ano saan cangra ^i, sawaden nangra a komaen.     Tinako sa, ano ma’araw nangra ko naikoran no ‘a’adopen a komaen to konga ^i, tanamen nangra konini. Nga’ayay. Saka palomaen nangra konini. Yo mato’asto konini a nipalomaan nangra ^i. kaenen nangra. Ta tanamen nangra a mitodoh to namal. Yo komaen cangra ^i, mafana’ to cangra to “o nga’ayay a kakaenen konini,” saan cangra. Saka, sakakahaden nangra a misaadihay a mipaloma. Onini koya konga hananay ato tali hananay.     O namal nangra to sapitodoh ^i, o flalac ato mapoheday a ma’icangay a  samoro hananay a kilang ko sakaira no mamal. Patateki’en konini a felalac ta masadak ko namal a matefo I pohed.Ta malikat. Mahaenay.     O namitanaman nangra a mitemtem a komaen ^i, ira ko miwarakay; sawaden nangra. Ira kaso’ay. Saka, sa’opoen nangra ko matiniay a mipaloma. Caay ka sahto cangra ao titi ato foting ko nikaenen nangra. Yo mafana’ cangra to nika  adihay ko mamakaen a talod saka, onini haca ko roma a kakaenen nangra. Onini  haca ko roma a kakaenen nangra a ma’orip. Saka, marayray konini a tahanini. Saka, onini ko saka adihay ko makaenay no Pangcah a masamaamaanay a talod.  (Talaen ho ko ‘aikolay a tilid) (Nai "O 'Orip No 'Amis" a cudad-'Afo Apak. komitiliday ) Tipus Koyo 2014.05.13