Tengilen ko sowal no mato’asay（聆聽長者的話）

Tengilen ko sowal no mato’asay Nosa halikimad ko mato’asay no Pangcah han? Awaay ko cudad no Pangcah. saka, itini i rayray to sowalen no tato’asan a pakimad to wawawa:wa. O kimad no mato’asay, ono rayray no to’as no mita o misaPangcahay. Saka, o tatengilen no wawawa:wa konian a sowal. Ano masa’opo ko ngangasawan, pakimad sa:ca ko mato’asay. O nian a kimad no mato’asay hawi, o sapipasifana’ to wawa, o dado^doen no malawawaay konian a sowal no mato’asay oramasato, i tini i niyaro’ mahaenay to ko kalakimad no mato’asay. A mirekec to kapakapah, masalacecay ko faloco’ a matayal tono finawolan. Saka, o kapah no niyaro’ do^do sato to sowal no mato’asay a matayal, tangasa kaherekan no tayal. Kina kimad no mato’asay, ono rayray no tato’asan no mita o misaPangcahay. Ano caay pitengil ko kapakapah to sowal no mato’asay hawi. Latek caay ka fangcal ko ‘orip no niyaro’, caay kalaheci ko demak, awaay ko ‘epoc no kapakapah.  Mahaen ko halikimad no mato’asay no Pangcah, o sapi‘imer nangra to wawawa:wa.