O Nanicowaay Ko Pangcah A Tamdaw【1】(阿美的起源1)

O Nanicowaay Ko Pangcah A Tamdaw(1)        Tona awaay ko tilid no Pangcah saka, awaay ko mitiliday a  mina’ang to pakayniay i rayray no ‘orip no Panagcah. O tata-  ’angay a sipong no Pangcah konini. Talacowa, ‘aloman ko mafa-    na’ay a pakimad a mato’asay i kasaniyaroaro’ to Pakayniay i ‘orip  no tato’asan no Pangcah i, masasiromaorma a ma^min. saka, a-  waay ko pinang no aniniay a tamdaw a milayap to mipakimadan    nangra a sowal.   Tinako sa i,  1、O naitinitiniay aca kita Pangcah a tamdaw a masadak sanay a sowal. Ono pakakawasay a ma^min konini a sowal no mato’asay.  2、O nanitiraay I Holam a Pangcah kita, sanay a sowal. Ono anini to a harateng no tamdaw konini.  3、 O nani’a’adopeng a masadak sanay. Ato naikilangay, ‘aolay, fokolhay a masadak sanay a sowal. O pakakawasay a sowal konini.  4、O nani katimolay a kitakit a masakanatalay a teloc no Intonisiya a tamdaw, nama’alolay a tayni i Taywan sanay a sowal ko matatodongay a haratengen. Adihay ko so^linay a wacay nonini a sowal.  l   O sowal no citanengay a mikigkiway to pakayniay i kasasiromaroma no  tireng no tamdaw, kasasiromaoma no finacadan, kasasiromaoma no ‘orip no tamdaw. O tadamaanay a hakasi no Ripon ato Padaka ato romaroma a kitakit.  l   O sowal no namala sofitayay a mapatayraay i Malaysiya ato i singkapol yo malaloodho ko Ripon ato padaka i, tangsol saan a mafana’ ko Pangcah a tamdaw to sowal no itiraay a masaPangcahay a tamdaw tona adihay ko malecaday a sowal ato adihay ko malcaday a ngangan no lalosidan ato demak no ‘orip nangra. Halo tamdaw nangra a malecad i kitaan o Pangcah saan.    Itini a mahapinang ko so^linay a wacay to nika o naitimolay kita  a tamdaw. Caay ko papaso^linen ko sowal no sakacecay, saka  tosa ato sakatolo. (Nai "O 'Orip No 'Amis" a cudad-'Afo Apak. komitiliday ) Tipus Koyo 2014.03.11